SHOPPING INFORMATION

AlwaysNova par kis qisam k Islamic products milte hain?

AlwaysNova par aapko Darse Nizami ki kitabein, Deeni kitabein, tasbeeh, attar, Islami gifts, kurta payjama, hijab, abayah wagairah milte hain.

Jo kitaben apke website me available nahi hain, Kya main un kitaabon ka bhi order de sakta hoon?

G, jo kitaben listed hain, apko unke alawa bhi koi kitab chahiye to ap request kar sakte hain, "Order on whatsapp" button se, in sha Allah jahan tak ho sakega, ham provide karne ki koshish karenge.

Order dene ka tareeqa kya hai?

AlwaysNova par order dena bahut asaan hai. Aap apni sahulat ke mutabiq in teen tareeqon me se kisi bhi tareeqe ka intekhaab kar sakte hain :

  1. Direct Order (Select kar ke checkout karein):

Website par jo products available hain, unhe cart me daal kar aap seedha checkout kar sakte hain. Payment ke liye multiple options (Cash on Delivery ya Online Transfer) available hain.

  1. Request Order (Khaas kitaabein ya cheezen):

Agar aap kisi khaas kitaab ya item ki darkhwast karna chahte hain jo website par nazar nahi aa rahi, to aap “Request Form” ke zariye apni zarurat hame bata sakte hain. Hum koshish karenge ki woh cheez apke liye faraham ki ja sake.

  1. WhatsApp Order (List bhej kar):

Agar aapko online order karna mushkil lagta hai, to aap apni kitaabon ya cheezon ki list WhatsApp par bhej sakte hain. Hamari team aap se rabta kar ke, manual taur par aapka order process karegi.

Har tareeqe me hum koshish karte hain ki aapko behtareen khidmat aur sahulat faraham ki jaye.

Delivery kitne dino me ho jati hai?

Hum koshish karte hain ki aapka order jald se jald pahunch jaye, normaly 7-10 dinon ke andar delivery ho jati hai, lekin kabhi kabhi masail ki wajah se der ho sakti hai. Aapke sabr ka shukriya! 

Kya poore India me delivery available hai?

Haan, hamari delivery lagbhag 29,000+ pin codes tak hoti hai, jo delivery companies ki service area ke mutabiq hain. Jab aap checkout karenge aur apna pincode dalenge, to system khud bata dega ki aapke area me delivery possible hai ya nahi.

Kya international delivery bhi hoti hai?

Insha Allah, jald hi hum international delivery bhi shuru karenge

Payment ke kya kya tareeqe hain?

Jawab: Filhaal aap UPI, PhonePe, aur online bank transfer ke zariye payment kar sakte hain. Abhi hamare paas koi payment gateway nahi hai, lekin Insha Allah jald hi ye sahulat bhi shuru kar denge.

Kya payment cash on delivery (COD) ho sakti hai?

Ji haan, kuch products me Cash on Delivery (COD) ki sahulat available ho sakti hai

PAYMENT INFORMATION

Kya AlwaysNova par shopping karna mahfooz hai?

Ji haan, AlwaysNova par shopping bilkul mahfooz hai. Hum aapke data ki apni taraf se puri hifazat karte hain, ap tension free shopping karen.

Kya product wapas ya tabdeel kiya ja sakta hai?

Ji haan, agar product me koi bara aib (major defect) ho to 3 dino ke andar wapas kiya ja sakta hai. Digital products (jaise eBooks) ki wapsi nahi hoti.

Agar galat item mil jaye to kya karna hoga?

Agar aapko galat ya defective item milta hai to 3 din ke andar help@alwaysnova.com par unboxing video ke saath rabta karein. Agar galti hamari hai to ap befikr rahen,apka item replace hoga ya paisa refund kia jaega.

Refund kitne din me milta hai?

Refund manzoori ke baad aam taur par 7 se 10 working days me aapke account me transfer kar diya jata hai.

Kya koi student ya madarsa discount available hai?

Hamne students aur madaris ko madde nazar rakhte hue pahle hi prices bahut hi kam rakhi hain, taaki unke liye ilm aur zaroori cheezen hasil karna asaan ho. Is wajah se mazeed discount dena filhaal mumkin nahi. Haan, kabhi kabhi special offers aur deals chalte hain — unka zaroor faida uthaiye.

Kya bulk order par special discount milta hai?

Ham already chhoti se margin par kaam kar rahe hain, taaki aapko behtareen rates mil saken. Isme mazeed discount dena mushkil hota hai. Baher haal, agar aapka order bulk me ho to humse zaroor contact karein — shayad koi khaas rasta nikal aaye

Agar koi masla ho to hum kis tarah rabta karein?

Agar koi masla ho to aap "Contact Us" page ke zariye humse asaani se rabta kar sakte hain. 

Kya WhatsApp ya call support available hai?

Ji haan, WhatsApp support available hai. Zarurat padne par hamari team khud aap se call ke zariye rabta karegi — taaki masla behtari se samjha ja sake.

Kya individuals, sellers ya companies AlwaysNova ke sath kaam kar sakte hain?

Ji haan, AlwaysNova un tamam individuals, sellers, publishers, Islamic websites, aur manufacturers ka khair maqdam karta hai jo deeni kitaabein, miswak, attar, tasbeeh, Islamic gifts, aur sunnati products ke zariye halal tijarat me shamil hona chahte hain. Aap reseller ya affiliate ban kar apne audience ya customer base tak asaani se yeh products pahucha sakte hain. Tafseelat ke liye help@alwaysnova.com par raabta karein.

Reseller ya affiliate banne ka tareeqa kya hai?

Bahut asaan hai:

  1. Sign Up karein – hamari affiliate form bhar kar.
  2. Referral Link aur Discount Code hasil karein.
  3. Share karein – WhatsApp, YouTube, Facebook, Telegram ya jahan bhi aapki audience ho.

  4. Kamaai shuru – Har sale par aapko commission milta hai (atleast 2%).

    Khaas taur par Islamic content creators, students, teachers aur WhatsApp group admins ke liye yeh ek mauqa hai ki khayr bhi phailaayein aur paise bhi kamaayein —wo bhi halal tareeqe se. Join Now!"